Seanca e fundit plenare së Kuvendit në këtë sesion parlamentar do të zhvillohet më 5 Prill, konkretisht 20 ditë para zgjedhjeve parlamentare të 25 Prillit.
Në mbledhjen e sotme të konferencës së kryetarëve është vendosur programi i punës së Kuvendit për periudhën 29 mars-7 maj dhe kalendari i punimeve për periudhën 22 mars-9 prill 2021. Në përfundim të mbledhjes është vendosur zhvillimi i seancave plenare në datat 23 mars, 29 mars dhe 5 prill 2021.
Brenda kësaj periudhe pritet të kalohen edhe korrigjimet e reformës në Drejtësi të propozuar nga socialistët. 8 ligjet që pritet të ndryshohen janë disa çështje që nuk kanë funksionuar si duhet që nga viti 2016 kur u miratua Reforma në Drejtësi e deri tani.
Mes çështjeve që preken nga këto ndryshime janë kufizimi i punës së SPAK për hetimin e ngjarjeve të vogla siç është përfshirja e një efektivi policie në korrupsion dhe fokusimin e këtij institucioni në hetimin e zyrtarëve të lartë. Gjithashtu pritet të ndryshohen edhe procedurat e dosjeve në Gjykatën e Lartë për të shmangur stokun. Këto ndryshime kërkojnë 84 vota për miratim
