Viktima i 44 i Covid-19 në Shqipëri është një 68-vjeçar nga Gjirokastra, i cili u infektua teksa ishte shtruar në QSUT për një tjetër sëmundje.
68-vjeçari humbi jetën sot, në afërsi në Lushnjes, teksa po transportohej për në banesë me autoambulancë.
Por viktima rezulton të jetë edhe i afërm i nënkryetarit të PD, Edmond Spaho.
Lajmin e jep vetë ky i fundit përmes një mesazhi emocionues në Facebook.
“Homazh për shokun, vëllain, mikun dhe djalin e tezes ing. Luan Qemo të cilit Covid 19 sapo i mori jetën. Kemi ecur sëbashku që fëmijë fare të vegjël e deri më sot. Do më mungosh shumë…”, shkruan Spaho në mesazhin e tij.
