Një shqiptar u arrestua në Greqi, pasi u kap duke transportuar një sasi prej 4.5 kg hashash. Shqiptari u kap nga policia në Igumenicë, ndërsa sipas mediave helene ai po transportonte më këmbë nga Shqipëria sasinë e drogës.
Ngjarja ndodhi natën e Vitit të Ri, kur policia kapi shqiptarin i cili po hynte në Greqi në mënyrë të paligjshme. Drogën e kishte fshehur në një çantë shpine dhe e kishte ndarë në tre pako.
Autoritetet arrestuan menjëherë shqiptarin, ndërsa në cilësinë e provës materiale i sekuestruan sasinë e drogës.
