Edhe pse në pjesët tjera të Shkupit ato pak mbishkrime që ishin në gjuhë shqipe ishin fshirë më herët, askujt nuk ia merrte mendja se një gjë e tillë mund të ndodhte në komunë të Çairit, në afërsi të Bit Pazarit, shkruan Fakte.
Akoma nuk dihen vandalët të cilëve kaq shumë po u pengon gjuha shqipe, por habit guximi i tyre që këtë e kanë bërë në komunën që dominohet nga shqiptarët dhe ku 24 orë frekuentohet nga shqiptarë.
Përkujtojmë se Kryetari i komunës së Çairit, si dhe shumica e anëtarëve të Këhsillit Komunal janë shqiptarë, respektivisht ajo drejtohet nga Bashkimi Demokratik për Integrim, që është pjesëtar edhe i Qeverisë qendrore të Maqedonisë.
