Gjatë ditës së dytë të vizitës së presidentit turk Rexhep Tajip Erdogan në Uashington rojet e sigurisë së tij janë përplasur me protestues dhe gazetarë. Fjalimit të Erdoganit në Institutin Brookings, iu bashkua një grup protestuesish që e kritikonin atë për dhunimin e fjalës së lirë në Turqi, trajtimin që po i bën popullsisë kurde të vendit, si dhe tolerancën ndaj Shtetit Islamik.
Ata shtynë me forcë gazetarët dhe madje u përballën edhe me policinë e qytetit, që nuk pranoi t’i largonte protestuesit nga zona.
Përplasjet e bodigardëve të Erdogan me demonstruesit janë janë filmuar e janë shpërndarë shpejt në rrjetin social Twitter.
