Gjatë vitit të pandemisë, institucionet i kanë shkaktuar buxhetit të shtetit një dëm prej rreth 712 milionë eurosh.
Shifra është konstatuar nga Kontrolli i Lartë i Shtetit në raportin për vitin 2020. Në këtë vlerë, përfshihen dy zëra: shkeljet e institucioneve që arrijnë në 17,7 milionë euro dhe 694,1 milionë euro të tjera nga mungesa e të ardhurave në buxhet.
Abuzimi me mbi 17 milionë euro, regjistrohet në vitin e vështirë të pandemisë, viti i pamundësisë së realizimit të tenderave.
Auditimi nxjerr në pah përdorimin e fondeve pa eficiencë, mungesë kontrolli në procedurat e prokurimit, shkelje në likuidimin e faturave në shpenzime e investime që shoqërojnë shtimin e detyrimeve të prapambetura.