Reali ishte i gatshëm të ofrojë deri në 200 milionë euro për ta transferuar Philippe Coutinhon në “Santiago Bernabeu”.
Philippe Coutinho tashmë është i Barcelonës. Ai u transferua nga Liverpooli për 160 milionë euro, duke nënshkruar kontratë pesë vite e gjysmë me klubin spanjoll.
Sipas asaj që raporton “Mundo Deportivo”, para se Coutinho të arrijë marrëveshje për transferimin në Camp Nou, Reali ishte i gatshëm të ofrojë deri në 200 milionë euro për shërbimet e brazilianit.
Mundo shkruan se nuk është e qartë nëse Los Blancos po tentonin ndoshta vetëm të rrisin çmimin që rivalët e tyre të heqin dorë nga magjistari brazilian.
Qëllimi nuk u arrit, Coutinho sot prezantohet te Barcelona dhe të gjithë tani kanë hedhur sytë nga katalunasit duke parë skuadrën e fuqishme që kanë krijuar me transferimet edhe të verës.