Partizani luan kundër Vllaznisë ndeshjen e radhës në kampionat, sfidë që do ta zhvillojë në “Selman Stërmasi”. “Ultras Guerrils” kanë krijuar eventin e radhës në faqen zyrtare të tyre në Facebook për sfidën e radhës, atë kundër shkodranëve ndërsa kanë kërkuar pjesëmarrje masive në mbështetje të ekipit. “Rikthehemi të luajmë në kryeqytet. Çdo tifoz i kuq duhet të jetë i pranishëm në stadiumin “Dinamo” për të mbështetur skuadrën drejt titullit kampion. Vazhdoni shpërndajeni eventin. Kësaj radhe do të dridhet stadiumi”, shkruhej në faqen zyrtare të Ultras Guerrils në Facebook.