Udhëtimet kanë bukurinë e tyre jo vetëm sepse shikon vende të panjohura më parë por edhe për faktin që mëson më shumë. Madje edhe nga ato që ndoshta nuk i ke mësuar më pare. Bëhet fjalë për kuriozitete, gjëra interesante dhe çudira që ndesh teksa udhëton në katër anët e botës. Janë pikërisht këto aspekte të një vendi që joshin vazhdimisht turistët të cilët mendojnë se dicka fjala vjen rreth Meksikës, por kur mësojnë se atje i pret një qytet që po fundoset me kalimin e kohës, nguten më shumë për ta vizituar. Por nuk është vetëm Meksika. Si ajo ka edhe disa vende të tjera mjaft të njohura që urajnë të tilla cudi dhe kureshti për turistët.
Mali Everest rritet vazhdimisht
Mali Everest së fundmi mjaft popullor për shqiptarët për faktin se ekspedita e parë Ia doli mbanë të ngjitej deri në maj, pak kohë më parë, ka kureshtinë e tij. Me 8850 metrat e tij Everesti është me të vërtetë catia e botës, por me sa duket kjo nuk i mjafton.
Gjeologët, janë duke bërë matje të vazhdueshme sipas të iclave mali vazhdon të rrite me një ritëm prej 4 milimetrash në vit dhe kjo për shkak të presionit të lartë të pllakave tektonike. Rritja vit pas viti sigurisht që nuk përbën problem për alpinistët, por as edhe për turistët të cilët kanë si destinacion përfundimtar, Kampin bazë në Nepal. Kjo është një nga përvojat më të paharrueshme në jetën e një njeriu, një nga ato gjëra që këshillohet të bëhen një herë në jetë.
Qyteti i Meksikos, qyteti që fundoset
Sikundër e thamë më lart, qyteti I Meksikos fundoset me një shpejtësi prej 10 centimetrash në vit. Kjo shumë shpejt nga sa rritet Everest dhe dhjetë herë më shpejt nga sa fundoset Venecia. Arsyeja e kësaj fundosjeje është se qyteti është ngritur mbi shtratin e një liqeni antik.
Sigurisht që kjo nuk ka qenë aspak një ide e mire. Fenomeni bëhet i dukshëm në rast vështrohen dyshemetë e disa ndërtesave por mund të vihet re edhe duke numëruar shkallët që duhet të ngjitësh për të shkuar deri në monumentin e pavarësisë… Qyteti po fundoset me të vërtetë!
Los Angeles, joshja nga emri antik
Emir antik i metropolit kalifornian është El Pueblo de Nuestra Senora la Reina de Los Angeles. Ky emër duket shumë elokuent sesa aktuali që gjithsesi mbetet joshës. Los Angeles,tregon për komunitetin që në vitin 1781 jetonte prane Monumentit historic El Pueblot.
Sot në këto anë gjenden muze të shumtë, sheshe të vjetra,tregje dhe atmosfera që të kujtojnë paksa qytetin e shekullit XIX. Por ka edhe një shpjegim pak më modern emri i qytetit duke iu referuar sidomos origjinës linguistike. L.A. mendohet se vjen nga Katedralja “Our Lady of the Angels”. Kjo strukturë innovative ka plot 11 kate që janë të dekoruar me mozaikë alabaster dhe krijojnë një atmosferë me të vërtetë ëngjëllore.
Metropolitana e Londrës: më e vjetra në botë
Në fakt nuk është plotësisht një mister, por ndoshta jo të gjithë e dinë. Dhe meqë jemi tek Lojërat Olimpike përse të mos e kujtojmë që metropolitana e Londrës është më e vjetra në botë? Gjashtë kilemtrat e saj të parë u inaguruan në vitin 1863, mes Paddington e Farringdon, edhe pse trenat e vjetër me avull I mbushnin plot me tym galeritë.
Duke përshkruar Circle Line mes Paddington e Covent Garden ose duke bërë një kalim nga London Transport Museum do të rifitoni shijen e tyre kohërave, por sigurisht pa thithur tymin e avullereve. Metroja e dytë për nga koha e ndërtimit ishte e Budapestit (1896), e pasuar nga metroja e Parisit.
Buenos Aires dhe mbrojtësja e lundërtarëve
Edha Amerika e Jugut ka cuditë e saj të lidhur fort me kohën e eksplorimeve europiane. Flasim për emrin e vjetër të Buenos Aires, që nuk ka asgjë për t’i pasur zili atij të L.A. dhe ky është Nuestra Señora Santa María del Buen Aire. Ky emër është zgjedhur jo rastësisht pasi Virgjëresha ishte konsideruar si mbrojtësja e marinarëve.
Venecia dhe miniature e qytetit në gondola
Gondola e lagunës nuk janë vetëm një simbol I Venecias nëpër botë. Ato mbajnë në vete edhe një miniaturë të vogël të qytetit. Por duhet mësuar që gondola është e formuar nga rreth 280 pjesë të 8 tipeve të ndryshme drurësh dhe secili prej tyre ka një domethënie që mund ta zbuloni kur të udhëtoni me gondola.
Muri i madh kinez, një mit i rindërtuar
Nëse mendoni se Muri i Madh kinez shihet nga Hëna atëherë bëni mirë të mendoni të kundërtën pasi është e vërtetë edhe pse po flasim për një nga ndërimet më të mëdha ushtarake që janë realizuar ndonjëherë në historinë e njerëzimit.
Por edhe pse kjo legjendë nuk ekziston ia vlen të përmendet fakti se është një punë madhështore sot nga lashtësia ekzistojnë vetëm 2.000 prej 7.300 kilometrave origjinalë të ndërtuar mes shekujve VII e IV para Krishtit. Jo të gjithë e dinë që pjesa tjetër e mureve janë rindërtuar në epokën e Ming (XIV-XVII pas Krishtit).
Table Mountain ose mali tryeze
Ky mal që dominon në Cape Toën meriton me gjithë kuptimin e saj, fjalën tavolinë dhe jo vetëm sepse është i sheshtë në majë por edhe sepse ka një mbulesë të krijuar nga retë që shpesh mbulojnë majën e tij. Mrekullinë e “tablecloth”, mund ta prekni duke bërë trekking.
Uluru, si do të ishte pa ndryshkun?
Australia është kontinenti i kuq dhe e kuqja padyshim që është simboli i saj më i njohur më i fotografuar, më i dashur dhe i ndjekur nga udhëtarët e trekker në mbarë botën. I referohemi Uluru, në Northern Territory, atij që mund të konsiderohet monoliti më i madh në planet. Ngjyra e tij e kuqe ndoshta nuk do të ishte aq e fortë po të mos ishin në sipërfaqe të saj ndryshku. Meritë e oksidimit që provokohet nga agjentët atmosferikë.
