Detaje të reja janë zbardhur nga ngjarja e rëndë në qytetin e Korçës, ku mbeti e plagosur me mjete të forta një grua.
Sipas informacioneve, shtetasi J. M., 36 vjeç, ka dëmtuar me mjet të mprehtë, shtetasen A. M., 52 vjeçe dhe shtetasin V. Sh., 60 vjeç. Ky i fundit ka ndërhyrë për të shpëtuar të plagosurën dhe është plagosur nga autori.
Nga të dhënat e para dyshohet se autori i ngjarjes, vuan nga probleme të shëndetit mendor. 36-vjeçari menjëherë u kap nga shërbimet e Policisë dhe aktualisht ndodhet i shoqëruar në ambientet e Komisariatit për veprime të mëtejshme.
