Sekretari amerikan i shtetit, John Kerry, ka kërkuar nga koalicioni i udhëhequr nga Shtetet e Bashkuara, që ta shtoj bashkëpunimin në ndarjen e informacioneve dhe të jetë më efikas në luftën kundër militantëve të Shtetit Islamik.
Sipas Kerry-t ky grup po synon rritjen e rekrutimeve duke përdorë gjuhë të reja dhe duke lëvizur në hapësira të reja.
Kerry tha në Uashington se koalicioni i udhëhequr nga Shtetet e Bashkuara po bën progres në luftën kundër Shtetit Islamik dhe se numri i militantëve të grupit është zvogëluar.
Sipas zyrtarit amerikan, fitorja në përpjekjet për çlirimin e qytetit Mosul në Irak nga Shteti Islamik, do të ishte “pikë kritike e kthesës” në këtë luftë.
