Shefi i opozitës, Lulzim Basha iu ka kërkuar deputetëve të PD-së të votojnë në unanimitet reformën në drejtësi. Sipas burimeve të brendshme nga selia blu, mësohet se kryedemokrati ka shpjeguar në mbledhjen e grupit formulën e konsensusit, që përcakton se zgjedhja e anëtarëve të KLP dhe KLGJ bëhet me konsensusin e opozitës.
“Votoni në unanimitet. Reforma në drejtësi është një nga më themeloret. Aplikimi i reformës, përcaktues për produktin”, ka thënë Basha.
Ndërkohë që në një prononcim për mediat, ish-kryeministri Sali Berisha tha se me pranimin e propozimit të ri, PD arriti objektivat e përcaktuara që në fillim.