Shqiptari Dritan Demiraj që vuan dënimin me burg të përjetshëm në Itali është rrahur brutalisht nga një ish-boksier rumun.
Mediat italiane raportojnë se Demiraj ndodhet në gjendje të rëndë shëndetësore në spitalin e Parmës. 29-vjeçari shqiptar punonte si bukëpjekës në mensën e burgut. Ishin rojet e burgut ata që ndërhynë për të ndarë sherrin dhe dërguan shqiptarin në spital.
Dritan Demiraj është dënuar për vrasjen e ish të dashurës së tij, shtetas rumune Lidia Nusdordfi dhe partnerit të saj Silvio Mannina.
Ngjarja me gjasë është një hakmarrje për krimin e kryer nga shqiptari, megjithëse autoritetet italiane kanë nisur hetimin.