Një rast vërtet shokues i ka ndodhur Ethel Easter në Teksas, gjatë operacionit të saj në hernie.
Pas shtimit të shqetësimit të saj për kirurgun që do të bënte ndërhyrjen, para se të hynte në sallën e operacionit ajo fshehu një regjistrues të vogël audio në flokë.
Easter shpjegon se kirurgu që do ta operonte e kishte lënë të priste prej muajsh, madje shpeshherë ishte sjellë në mënyrë jo të hijshme.
Për këtë arsye, duke pasur edhe frika se s’do t’ia dilte, e shtyu të merrte vendimin që të regjistronte operacionit.
Kur dëgjoi më pas se ç’thoshte stafi mjekësor rreth saj gjatë operimit mbeti pa fjalë!
“Ajo është e vogël sa një grusht! Mbaj mend se kur nuk e futëm në listën tonë të operacioneve, të dy javëve të para, u ankua ndaj nesh”, – shprehet kirurgu në regjistrim.
Më pas, një prej infermiereve bëri shaka me kërthizën e gruas, për të cilën Easter preket shumë sa herë i përmendet!
“Je shtrirë në atë situatë dhe njerëzit të cilëve u ke besuar flasin në mënyrë të tillë. Të krijohet një ndjesi e keqe”, – shprehet Easter.
Më tej ajo shton se mjekët i dhanë një ilaç për të cilin ajo u kishte thënë se i shkaktonte alergji.
Gjithsesi, pavarësisht asaj që i ka ndodhur, Ethel Easter nuk ka planifikuar të denoncojë ligjërisht stafin mjekësor, por është bashkuar me një aktivist të qytetit për të përhapur fjalën rreth asaj që i ka ndodhur e për të ndërgjegjësuar.
https://www.youtube.com/watch?v=g9gjX42MW-s
