Hashim Thaçi është larguar nga kreu i Partisë Demokratike të Kosovës, të cilën e ka udhëhequr për 17 vjet me radhë.
Një hap të tillë ai e ka ndërmarrë pasi është zgjedhur President i vendit. Kushtetuta e Kosovës e ndalon që shefi i shtetit të ushtrojë edhe post tjetër.
Thaçi po ashtu ka lënë edhe postet e Zëvendëskryeministrit dhe Ministrin e Punëve të Jashtme. Thaçi pritet të marrë zyrtarisht detyrën e Presidentit më 7 prill.
Në krye të PDK-së tani pritet të vijë Zëvendëskryetari i Parë i PDK-së Kadri Veseli. Më poshtë mund t’i shihni letrat e dorëheqjes që Thaçi ua ka dërguar disa adresave.
