Sevilla triumfon ndaj Levante

Goli i Kevin Gameiros pas vetëm 50 sekondash lojë ishte mënyra më e mirë për Sevijan për të nisur një ndeshje që duhet ta fitonte.  Skuadra e Unay Emery triumfoi 3-1 në “Ramon Sanchez Pizjuan” ndaj Levantes, që nuk i mjaftoi goli në debutim i Giuseppe Rossit për të marrë një rezultat pozitive që do të ishte një shkundje në klasifikim për ekipin e vendit të fundit në renditje. Ashtu si Gameiro shënoi në fillimin e ndeshjes, ashtu bëri dhe Ibarro vetëm pak sekonda pas fillimit të pjesës së dytë, me francezin që i ktheu asistin kolegut të tij të skuadrës për golin e 2-0. Finalizimi i Giusseppe Rossit pas një gafe të rëndë të portierit Rico nuk arriti të ndryshojë dot fatin e sfidës, pasi Konoplyanka shënoi në gol fantastik në minutën e 76-të duke mbyllur ndeshjen në momentin më të mirë të Levantes. Me këtë fitore Sevilla ruan vendin në zonën Europiane ndërsa Levante nuk arrin të ngjisë dot shkallët në renditje.