Sekretari Amerikan i Shtetit, Antony Blinken, vjen sot për herë të parë në Shqipëri. Në kuadër të vizitës së tij, në Tirnë janë marrë masa për qarkullimin, duke bllokuar disa akse rrugore.
Edhe në Aeroportin e Rinasit janë shtuar masat e sigurisë. Siç shihet edhe në foto, para ardhjes së Blinken në Tiranë, janë pozicionuar edhe forca të shtuara sigurie në Rinas.
Blinken do të takohet me presidentin Bajram Begaj dhe kryeministrin Edi Rama, me të cilin do të mbajë edhe një konferencë të përbashkët për shtyp.
Po ashtu, Blinken do të ketë edhe një takim me shtetasit afganë që jetojnë në Shqipëri të cilët janë në pritje të një vize për të udhëtuar drejt SHBA-ve.
