Për të katërtën ditë me radhë banorët e Divjakës janë mbledhur në hyrje të parkut kombëtar Divjakë-Karavasta për të protestuar kundër taksës që do vendoset në hyrje.
Këtë të enjte trau u vendos pas disa përpjekjesh dhe kabina e që mbledh pagesat është gati.
Banorët shprehën se janë të indinjuar për shkak se sipas tyre kjo lëvizje është e jashtëligjshme.
Banorët thonë se kanë qenë divjakasit që e kanë ruajtur pyllin në vitet e mbrapshta 97, 98 dhe tani po u tatojnë dhe ajrin.
Për shkak të protestës punimet për vendosjen e traut u ndërprenë sërish ndërsa banorët paralajmërojnë se do mblidhen sërish të enjten.
