Arsenali vijon rrugëtimin fantastik në Premier League, duke marrë fitoren e katërt në po kaq ndeshje. Topçinjtë e Londrës sot fituan me vështirësi 2-1 ndaj Fulham.
Pas një pjese të parë pa gola, në fillimin e së dytës Mitrovic kaloi Fulhamin në avantazh. Gjithsesi reagimi i Arsenalit do të vinte pas vetëm 8 minutash.
Odegaard do të realizonte pas një asisti nga Saka, ndërkohë që 5 minuta nga fundi i ndeshjes mbrojtësi Gabriel do të shënonte dhe golin e dytë dhe të fitores. Arsenali qëndron në krye të renditjes, e vetme me pikë të plota.
