Dega e anti-terrorit në policinë e shtetit dhe Prokuroria e Lezhës kanë shpallur në kërkim 39-vjeçarin, Luigj Marku. Ai është i njohur në rrjetet sociale, kryesisht në TikTok pasi bën thirrje ekstremiste duke ofenduar dhe fyer myslimanët.
Mediat shkruajnë se u është kërkuar ndihmë autoriteteve irlandeze më qëllim arrestimin e 39-vjecarit i cili akuzohet për veprat penale “veprime ekstremiste me qëllim nxitjen e urrejtjes”.
Policia tha se ky shtetas prej kohësh publikon në rrjete sociale video dhe mesazhe radikale e ekstremiste. Nga verifikimet rezulton se i dyshuari ndodhet në Irlandë.