Eksperti i ekonomisë Ferjold Ozuni i ftuar në emisionin ‘Ekonomi Plus’ me Klaudia Karabollin në Syri Tv, komentoi krizën e çmimeve në vendin tonë.
Ozuni tha se ndryshimi i çmimeve nga bordi po bëhet çdo 2-3 ditë, ndërkohë që furnizimet nuk bëhen po në të njëjtën kohë.
“Situatë që nuk kërkon rishikim të çmimeve çdo ditë. Do ishte e mjaftueshme një herë në 10 ditë.”-tha Ozuni.
Sa i përket çmimit të karburantit Ozuni është i mendimit se qeveria ka mundësi që ta zbusë këtë barrë që bie mbi kurrizin e qytetarëve.
“Qeveria mund të bëjë shumë më shumë. Ka mënyra për ta zbutur këtë barrë që bie mbi qytetarët.
E vështirë të bësh lëvizje të çmimit të karburantit çdo ditë dhe të presësh stabilitet ekonomik.”-deklaroi Ozuni.