Banorët e BB u sruprizuan nga hyrja e vëllait binjak të Donaldit, Romeo, i cili ndërroi rrobat me të vëllanë dhe u fut brenda shtëpisë sikur ishte Donaldi. Fillimisht banorët u habitën, por nuk reaguan dhe nuk e vunë re menjëherë ndryshimin.
Edhe Baetrix e pa çuditshëm dhe shfaqi dyshime ndaj tij. Ishte Einxhel e cila pasi kaluan disa minuta, deklaroi se ai është Romeo.
Por më herët Romeo i shkruante një letër Donaldit, ku ndër të tjera i fliste edhe për Beniadën dhe i kërkonte t’i “thotë ndonjë gjë të mirë”.
Gjatë mbrëmjes ai pati mundësinë ta bënte vetë këtë gjë dhe në momentin kur po dilte nga shtëpia, ishte pikërisht Beniada që e përcolli.
Romeo e komplimentoi modelen dhe teksa e përqafoi i tha se mund të kërkonte ndihmën e tij për çdo gjë.
