Maqedonia e Veriut nuk heq dorë nga objektivi për të luajtur në fazën play off të Botërorit. Skuadra e drejtuar nga Bllagoja Milevskit shkatërroi 5-0 Armeninë në transfertë, ku tre gola i realizoi mesfushori shqiptar i Levantes, Enis Bardhi.
Një ndeshje për t’u harruar nga vendësit, që nuk treguan asgjë pozitive në fushë, teksa u ndëshkuan që në minutën e 22-të nga Trajkovski, ndërsa në të 36-tën realizoi me një goditje nga jashtë zonës.
Gjatë pjesës së dytë Maqedonia e Veriut, me tre shqiptarë titullarë, shënoi edhe tre gola të tjerë, me Enis Bardhin që kompletoi tregolëshin dhe mes dy finalizimeve të tij ë këtë fraksion e gjeti rrjetën edhe Ristovki.
Dështim total për Suedinë, që u mposht 2-0 nga Gjorgjia në transfertë, falë dygolëshit të Kvaratskhelias, duke minimizuar shanset për vendin e parë në Grup, pasi ndeshjen e fundit Zlatan Ibrahimovic me shokë do ta luajnë në fushën e Spanjës.
Russia fitoi thellë 6-0 ndaj Qipros në Grupin H, ndërsa Azerbajxhani i De Biasit pësoi humbjen e pestë radhazi, këtë herë 1-3 nga Luksemburgu, duke “blinduar” vendin e fundit.
