“Propozimi i 12 shteteve evropiane për të ndërtuar një mur që të pengojë kalimin e emigrantëve, përfaqëson një degradim moral që rrezikon seriozisht vlerat e demokracisë evropiane”.
Kështu është shprehur i bindur presidenti i Parlamentit Europian, David Sassoli, sipas të cilit “BE nuk mund të bëhet një fortesë kundër njerëzve të varfër që ikin nga lufta, uria apo regjimet famëkeqe”.
“Mbrojtja e kufijve tanë, veçanërisht kur ata kërcënohen nga regjimet autoritare, sqaron Sassoli në një intervistë për Repubblica është një detyrë ndaj qytetarëve tanë, por ndërtimi i mureve kundër njerëzve të dëshpëruar do të mohonte vlerat tona dhe do të humbiste njerëzimin tonë”.
“Prandaj ngritja e barrierave është një iniciativë për t’u refuzuar me vendosmëri.
E vetmja zgjidhje është një politikë e përbashkët evropiane që mbron të drejtën e azilit dhe rregullon flukset emigratore.
Vendet kufitare nuk mund të lihen vetëm. Me dhe në çdo rast, emigracioni nuk zhduket para një muri: ndryshojnë vetëm rrugët. Ne duhet të punojmë për zgjidhje të përbashkëta,” tha ai.
