Një person humbi jetën dhe 13 të tjerë pësuan lëndime si pasojë e një kamioni i cili u përplas me një autobus në Gjermaninë qendrore.
Viktima që vdiq si pasojë e aksidentit në Langenhagen, një qytet pranë Hanoverit, ishte një grua 29-vjeçare, raportoi agjencia e lajmeve “dpa”.
Të dy shoferët pësuan lëndime, së bashku me disa pasagjerë të autobusit.
Tre persona vuanin nga lëndimet e rënda, mes tyre një djalë katërvjeçar.
Aksidenti ndodhi të hënën në mbrëmje në një kryqëzim rruge në Langenhagen ku semaforët ishin fikur.