Një 44-vjeçar i shpallur në kërkim për kultivim narkotikësh ka rënë në prangat e policisë së Vlorës.
Bëhet me dije se është arrestuar Andi Zana, 44 vjeç, banues në Vlorë, pasi Gjykata e Shkallës së Parë Gjirokastër e ka dënuar me 3 vjet e 4 muaj burgim, për veprat penale “Prodhim dhe shitje e narkotikëve” dhe “Kultivim i narkotikëve”.
“Në vijim të punës për kapjen e shtetasve të shpallur në kërkim, nga shërbimet e Komisariatit të Policisë Vlorë u bë kapja e shtetasit të shpallur në kërkim Andi Zana, 44 vjeç, banues në Vlorë, pasi Gjykata e Shkallës së Parë Gjirokastër e ka dënuar me 3 vjet e 4 muaj burgim, për veprat penale “Prodhim dhe shitje e narkotikëve” dhe “Kultivim i narkotikëve”. 44-vjeçari iu dorëzua shërbimeve të DVP Gjirokastër, për veprime të mëtejshme procedural” njofton policia.
