55 vite pritje për të bërë një titull ndryshe. Anglia “dehet” nga suksesi i Southgate dhe djemve të tij, të thyeje Gjermaninë ishte kthyer në një mision të pamundur, tani historia është ndryshe, pasi festa është e gjitha për britanikët. Nuk mund të mungonte as spektakli në faqet e para të mediave, kjo ishte pikërisht ndeshja që duhej për të shpërthyer me titullit e tyre:
“55 vite vuajtje nuk na ndaluan rrahjet”, shkruan “The Sun” duke bërë lojëra fjalësh me emrin e Raheem Sterling, autori i golit të parë. “It’s coming Rome”, shkruan “Mirro”, duke lënë takim për sfidën e radhës kundër Ukrainës që do të luhet në Romë, ndeshje e vlefshme për fazën çerekfinale. “Anglia nuk humbi me Gjermaninë”, është titulli kryesorë i “Daily Star”. “Gjahtarët e fantazmave”, është një tjetër titull epik i “Daily Exppes”. Sigurisht nuk mund të mungonte në faqet e para edhe trajneri Gareth Southgate, hakmarrja e tij ishte personifikimi më i qartë i kësaj përballje epike që më në fund pa edhe anglezët të festojnë.
