Një pjesëtar i forcave speciale RENEA dhe dy bashkëpunëtorë të tij janë arrestuar në flagrancë në kryeqytet me 1 kg drogë e llojit kokainë.
Operacioni është zhvilluar nga Drejtoria e Policisë së Tiranës, ndërsa ende nuk bëhen me dije identitetet e të arrestuarve.
Është sekuestruar kokaina dhe telefonat e të arrestuarve si dhe po kontrollohen banesat e tyre, ku deri tani nuk është gjetur asgjë e paligjshme.
Burime për mediat bëjnë me dije se efektivi i RENEA-s ishte një nga më të mirët e repartit ku bënte pjesë.