Kryetari i PD-së Lulzim Basha ka dalë sërish sot para medieve duke denoncuar me forcë faktin se paratë që duhet t’u jepen të papunëve, mjekëve, bizneseve që po falimentojnë po vazhdojnë të vidhen nga qeveria dhe të dërgohen për inceneratorët e plehrave.
Bsha:
Ne kërkuam të merreshin urgjent masat siç po merrnin të gjitha vendet e rajonit. Nuk dua t’i jap kredi vetes se po shpiknim rrotën, por pamë përvojat më të mira të rajonit.
Përgjigja cinike tregon jo vetëm papërgjegjshmëri por edhe kriminalitet. Është kriminalet të vjedhësh paratë e shqiptarëve me inceneratorë dhe i siguroj se fatura e vjedhjes do të jetë dyfish më e lartë se nuk e ndali në momentin kur vendi kishte më shumë nevojë.
Shtetet e tjera ndalën tendera të pastër dhe kanë bërë rialokime masive në Buxhet për të mundësuar mbështetje të madhe, për të mundësuar që çdo familje të ketë minimunim jetik.
E vetmja qeveri në botë dhe i vetmi kryeministër në botë që vazhdon të vjedhë ditën me diell paratë e shqiptarëve, në vend t’ua japë të papunëve, mjekëve është kjo e Edi Ramës!
Për fatin e keq një pjesë e madhe e medieve vazhdojnë të censurojnë vjedhjen e madhe të plehrave.”
Nga 75 milion euro që u janë dhënë inceneratorëve, vetëm një pjesë e vogël është investuar në to, ndaj i bëj thirrje medias: refuzoni paratë e mafias dhe denonconi aferën e mafias së plehrave!
Anëtarët e SPAK të nisin hetimet për aferën 400 milion, ose të japin dorëheqjen.
