Një sherr me armë që ka përfunduar me të plagosur ka ndodhur rreth orës 2:00, gjatë natës në një lokal në fshatin Bishnicë të Pogradecit.
Pas një grindjeje, A. Ç., rreth 35 vjeç, dyshohet se ka plagosur me automatik B. Sh., i cili aktualisht ndodhet në Spitalin e Pogradecit, jashtë rrezikut për jetën.
Autori i dyshuar është larguar me shpejtësi nga vendngjarja, ndërkohë arma e zjarrit është gjetur nga Policia.
Nga ana e Policisë, po punohet intensivisht për kapjen e shtetasit A. Ç., si edhe sqarimin e plotë të rrethanave të ngjarjes.
