Kruja ka shënuar në 24 orët e fundit ditën më të mirë përsa i përket përhapjes së koronavirusit. Pas kthimit në një vatër të nxehtë mësohet se sot ajo nuk ka shënuar asnjë rast me koronavirus.
Abc News raporton se në 24 orët e fundit, nga 58 testime të kryera në total, nuk ka rezultuar asnjë rast pozitiv.
Deri më tani Kruja është qyteti i dytë pas Tiranës për numrin e sëmurëve aktivë me koronavirus, me 58 gjithsej.
Kujtojmë se në vendin tonë janë gjithsej 868 të infektuar, 31 prej të cilëve kanë humbur jetën.
Ndërkohë ISHP njofton se 650 pacientë janë shëruar.
