Tre gazetarë që kërkonin të tregonin të vërtetën mbi epideminë ne Wuhan nuk janë parë prej dy muajsh. Chen Qiushi, Fang Bin dhe Li Zehua kishin shpërndarë foto e video dramatike të gjendjes nga Wuhan nën karantinë, ish-epiqendër e koronavirusit të ri.
Por vendndodhja e tyre është tashmë mister prej dy muajsh, raportojnë mediat perëndimore. Llogaritë e tyre të ndjekura në YouTube- të cilat janë të ndaluara në Kinë por mund të kontrollohen me kodues VPN, janë tashmë të qeta.
Biznesmeni nga Wuhan, Fang u zhduk pas publikimit të videos ku shihej një pirg me trupa njerëzish në një furgon jashtë një spitali. Video e tij e shkurtër tregon mjekë në veshje të plota mbrojtëse që tentojnë të kujdesen për pacientët teksa të tjerë presin me psherëtima. Ai më pas pyet një nga mjekët: “Këta njerëz sapo kanë vdekur? Kur ndodhi kjo? Dje?”
Fang Bin (në foto), një banor i Wuhan, u zhduk më 9 shkurt pasi publikoi një seri video, duke përfshirë një që tregon grumbuj trupash të ngarkuar në një autobus (poshtë)
Pamjet u bënë virale kur u publikuan nga gazetarja kineze Jennifer Zeng. Fang thotë se policia erdhi në shtëpinë e tij më 1 shkurt. Ai u arrestua dhe u lirua më datë 9 shkurt por llogaria e tij u bë e heshtur prej kësaj date, pas një publikimi me fjalët ‘të gjithë të revoltohen – pushteti t’i kthehet popullit’.
Ndërsa aktivisti Chen, 34 vjeç, është aktivist të drejtash i kthyer në video-gaetar. Ai erdhi në Vuhan para nisjes së bllokadës së koronavirusit, por kishte qenë aktiv në protestat anti-qeveritare në Hong Kong prandaj njihej nga autoritetet.
Në videon e tij të parë në YouTube nga Vuhan, thotë: “Me kameran time do të dokumentoj atë që po ndodh”. Më tej ai pretendon se një grua që duket në video po rri pranë të afërmit të saj të vdekur në një karrige me rrota, teksa ajo përpiqet të kontaktojë në telefon me familjarët.
Në postimin e tij të fundit, për të cilin rrjeti BBC thotë se është bërë nga një miku i tij, bëhet thirrje për kthimin e tij: “Ku është Chen Qiushi tani? A do të flasë më një njeri me të? Chen Qiushi nuk kontakton prej 68 ditësh, pasi kishte raportuar për koroanvirusin në Vuhan. Ju lutem shpëtojeni!!!’
Chen, 34 vjeç, i cili shkoi në Wuhan për të raportuar në lidhje me shpërthimin e koronavirusit në mënyrë të pavarur, nuk është dëgjuar që nga ora 7 pas orës lokale, më 6 shkurt, sipas postimeve në llogarinë e tij në Twitter
Ndërsa gazetari Li Zehua, 25 vjeç, ka punuar më parë për transmetuesin shtetëror kinez ÇTV. Li duket se u shënjestrua nga autoritetet pas një vizite që bëri në laboratorin famëkeq të virologjisë në Wuhan dhe nuk është parë që prej 26 shkurtit.
Li Zehua është një ish reporter i CCTV dhe thuhet se do të dëgjohet për herë të fundit më 26 shkurt. Li ishte gjasa të ishte në shënjestër të policisë sekrete pasi vizitoi Institutin Wuhan të Virologjisë, thuhet në një raport
Në fillim të muajit kongresmeni amerikane Jim Banks i bëri thirrje Kinës të hetojë zhdukjen e tre gazetarëve, duke sugjeruar se qeveria kineze i ka burgosur ose ndoshta diçka më e keqe u ka ndodhur.
