Djali i Azem Hajdarit është emëruar në detyrën e Specialistit Teknik, pranë Korporatës Elektroenergjitikë Shqiptare (KESH).
Panorama.al ka siguruar kontratën e punës së Kirjard Hajdarit, e cila është firmosur për tri muaj si fillim, që është dhe periudha e provës.
Në kontratë thuhet se Kirjard (Kiri) Hajdari ka nisur marrëdhënien e punës më datë 12.02.2020.
Ai do të ushtrojë detyrën pranë Departamentit të Zhvillimit Strategjik në Vlorë në pozicionin e specialistit teknik.
Ndërkohë që në dokument thuhet se paga e tij është 95 mijë lekë të reja.
Kirjard Hajdari ka punuar më herët si jurist pranë Bashkisë së Tiranës, ndërkohë që është marrë dhe me biznese private.
