Shkodra, artdhashësja ditët e fundit është kthyer në mollë sherri mes pushtetit vendor dhe atij qeveritar. Mjeshtri i madh Bujar Qamili këndoi për rreth 60 minuta në qendër të qytetit të Shkodrës për të thyer pak mërzinë e këtyre ditëve të vështira për qytetarët e Shkodrës. Edhe pse në ballkonet e shtëpive të tyre, shkodranët duartrokitën pafund duke prishur heshtjen e thellë të këtyre ditëve. Një situatë e tillë është aspak e zakontë për mjeshtrin e madh, po ai është optimist se gjithçka do t’i rikthehet shumë shpejt normalitetit. ”Kam dhënë shumë koncerte dhe recitale, por ky i sotmi do të mbetet në historinë time dhe do ta kem kujtim gjithë jetën. Është hera e parë që këndoj në një shesh të tillë, por me një spektator të shkëlqyer”.
