Ministri i Brendshëm i Australisë është infektuar me koronavirus.
Në një deklaratë ditën e sotme, ministri Peter Dutton tha se u zgjua këtë mëngjes me një temperaturë dhe dhimbje të fytit dhe u testua më pas për COVID-19.
Sipas politikës së Queensland Health, “kushdo që rezulton pozitiv duhet të pranohet në spital dhe unë kam respektuar këshillat e tyre,” tha Dutton.
Ai shtoi se ndihet mirë dhe do të sigurojë një azhurnim në kohën e duhur.
Megjthatë ka dalë një foto e Peter Dutton duke takuar vajzën e presidentit amerikan Donald Trump Ivanka Trump dhe Prokurorin e Përgjithshëm të SHBA Bill Barr të Premten e kaluar, duke shkaktuar dyshime se Ivanka mund të jetë infektuar gjithashtu.
