Presidenti i Serbisë, Aleksandër Vuçiç duke komentuar faktin që qeveria nuk është formuar ende në Prishtinë, ka thënë se pa Listën Serbe nuk do të ketë qeveri në Kosovë.
Vuçiç tha se “është e rëndësishme që Lista Serbe të jetë unike dhe është e qartë se pa ta nuk ka qeveri në Kosovë”, ka thënë Vuçiç.
Ai ka thënë se kërkesa kyçe e Listës Serbe përveç sigurisë së serbëve është edhe heqja e taksës.
“Do të thoshte normalizim i jetës dhe padyshim rezultate ekonomike më të mira. Nëse nuk do të kishin tarifa ne do të ishim shteti i dytë ose i tretë me rritjen ekonomike, për këtë arsye jemi në vendin e gjashtë. Shpresoj që kjo qeveri të formohet”, ka thënë Vuçiç për Rts, transmeton Zëri.