Deputetja e dalë nga listat e Partisë Demokratike, Rudina Hajdari, ka reaguar pas lajmit se PD e LSI do të dërgojnë komisionerë në KZAZ-të për zgjedhjet lokale.
Me anë të një postimi në rrjetet sociale, Hajdari e konsideron si të paligjshme një gjë të tillë, ndërsa shprehet se kjo është shenjë e një marrëveshje të re Rama-Basha në kurriz të shqiptarëve. Ajo shkruan: “Në përvjetorin e marrëveshjes që mori të majtën për tatepjetë dhe të djathten për lum asnjë nuk mund të perligj tentativën e dytë, qoftë ky celibash i oborrit të gjeneralit hije me ushtri të mpirë, apo caush i kryetarit në tentative të legjionit të shpërbërë. Zullumqaret pregatisin shtratin për marrëveshjen e radhës duke tentuar te legjitimojnë prezencën e PD në komisione pa cuar njerëz në KZAZ dhe duke pretenduar të mos futen në zgjedhje.”
Sipas Hajdarit, “Asnjë nga palet nuk përmend sugjerimin e OSBE/ODIHR për komisionerë apolitike, por vazhdojnë të këmbengulin për jeniçere elektoral me qëllim deformimin e vullnetit qytetar gjatë procesit të zgjedhjeve”.
Postimi i plotë:
Është e paligjshme!
Në përvjetorin e marrëveshjes që mori të majtën për tatepjetë dhe të djathten për lum asnjë nuk mund të perligj tentativën e dytë, qoftë ky celibash i oborrit të gjeneralit hije me ushtri të mpirë, apo caush i kryetarit në tentative të legjionit të shpërbërë.
Zullumqaret prëgatisin shtratin për marrëveshjen e radhës duke tentuar te legjitimojnë prezencën e PD në komisione pa cuar njerëz në KZAZ dhe duke pretenduar të mos futen në zgjedhje.
Nëse kryetari i legjionit kërkon që gjenerali hije të mbaje përgjegjësi për të gjitha zullumet e këtyre viteve dhe degradimin ekstrem të Shqipërise, atëher vet nuk mund te mbajë një dorë në revani dhe një dorë në bakllava, nuk mund të jetë dhe në zgjedhje dhe pa zgjedhje kur akoma nuk ka sqaruar elektoratin e djathtë e prerë në besë me imponimin e dorëzimit të paprecedentë të mandateve si ti kishin absolutisht personale.
Asnjë nga palet nuk përmend sugjerimin e OSBE/ODIHR për komisionerë apolitike, por vazhdojnë të këmbengulin për jeniçere elektoral me qëllim deformimin e vullnetit qytetar gjatë procesit të zgjedhjeve.
Papërgjegjshmëria dhe veprimet e paligjshme me dashje tregon që nuk ekziston vullneti që të realizohet një proçes i rregullt zgjedhor.
Po nuk u bëhet vonë këtyre për zgjedhje, se nuk ofrojnë as zgjidhje e as alternativë!
U bëhet vonë për marrëveshje, për marreveshje në kurriz të Shqiptarëve, për marrëveshje në kurriz të rinisë, për marrëveshje në kurriz të biznesit, për marreveshje ne kurriz te femijeve tanë qe po u vjedhin të ardhmen.
Kujtojmë se 2 ditë më parë mediet raportuan se PD e LSI do të dërgojë komisionerë në KZAZ. Sipas Sekretarit të Përgjithshëm të Partisë DEmokratike, Gazment Bardhi, kjo vjen për shkak se ka informacione se po manipulon që tani procesin zgjedhor.
