Edhe pse sërish sot opozita kishte njoftuar vetëm një protestë simbolike me të rinjtë e FRPD dhe LRI, Policia ka ushtruar të njëjtin rrethim drastik rreth godinës së Kuvendit.
Përforcimi me hekura dhe forca të shumta policie ka qenë i pranishëm edhe sot gjatë seancës plenare, jo vetëm në hyrje të Parlamentit, por ata qëndrojnë në gatishmëri teksa janë kamufluar për të mos rënë shumë në sy nga ana e xhamisë, ku po zhvillohen edhe punime.
Kjo foto është publikuar nga gazetari Bledi Kasmi i cili shkruan me ironi: Nga punimet e Parlamentit në xhaminë e re, se mos kujtoni se po kërkojnë grabitësit e 10 milionë eurove!