Në Emergjencën e Spitalit Rajonal të Prizrenit, raportohet se është dërguar trupi i pajetë i një femre.
Viktima nga fshati Mazrek fillimisht ishte raportuar si e zhdukur dhe më vonë është gjetur nga fqinji në afërsi të shtëpisë.
Me vendim të Prokurorit, trupi i pajetë është dërguar në Institutin e Mjekësisë Ligjore për obduksion. Ndërkaq, deri tani, asnjë nga familjarët e viktimës nuk ka folur për të treguar ndonjë detaj rreth zhdukjes e më pas vdekjes së vajzës. Sidoqoftë, në Kosovë vazhdon të jetë i lartë numri i të zhdukurve që lajmërohen në Polici. Madje, shumë prej tyre janë gjetur pa shenja jete.
