Vëllai i madh i Paul Pogba, Mathias i është bashkuar Tours në kategorinë e tretë franceze pasi kaloi më tepër se një vit pa ekip.
Teksa vëllai i tij është përfolur për një largim nga Manchester United, sulmuesi 28-vjeçar ka siguruar një marrëveshje me Tours.
Hera e fundit që Mathias Pogba ka zbritur në fushë ka qenë me Sparta Rotterdam më 23 prill të 2017.
“Zgjodha Tours, pasi ishte klubi që më bindi më tepër nga intervistat me klubet e tjera.
“Rehabilitimi i dëmtimit ka qenë i gjatë dhe i vështirë, por nuk jam dorëzuar dhe dua të rikthehem në nivelin tim më të mirë.
“Objektivi im kryesor është të rikthehem në fushë, të kënaqem, por gjithashtu të ndihmoj Tours të ngjitet në kategorinë e dytë”, tha Pogba për faqen zyrtare të klubit.
