Policia e Elbasanit ka ndaluar 62 persona të cilët janë proceduar penalisht. Raportohet se 23 janë të arrestuar, 34 janë proceduar penalisht në gjëndje të lire, 1 person është ndaluar, si dhe 4 persona janë shpalluar në kërkim për vepra të ndryshme penale.
Drejtoria Vendore e Policisë Elbasan gjatë një jave :
“Strukturat e Drejtorisë Vendore të Policisë Elbasan, kanë vijuar punën për parandalimin e paligjshmërisë, me qëllim rritjen e parametrave të sigurisë.
62 shtetas janë proceduar penalisht nga të cilët: 23 të arrestuar, 34 janë proceduar penalisht në gjendje të lirë, 1 shtetas është ndaluar, si dhe 4 shtetas janë shpallur në kërkim për vepra penale të ndryshme.
Në drejtim të masave për parandalimin e aksidenteve rrugore dhe ndëshkimin ligjor të atyre që shkelin rregullat e qarkullimit rrugor gjatë një jave nga Policia Rrugore janë vendosur 1035 masa administrative, si dhe janë arrestuar 19 shtetas nga këto: 17 për veprën penale “Drejtimi i automjeteve në gjendje të dehur apo pa dëshmi” dhe 2 për veprën penale “Shkelje e rregullave të qarkullimit rrugor”, dhe janë kontrolluar 417 automjete.
