Ricardo Kaka ka thënë vetëm fjalë të mira për Luka Modricin, i cili do të luajë sonte në finalen e Botërorit mes Francës dhe Kroacisë.
Sipas Kakas, Modrici e bënë futbollin të duket i lehtë dhe e meriton shansin për ta udhëhequr Kroacinë drejt finales së Botërorit.
Kaka ka kaluar një sezon bashkë me Modricin në Real Madrid.
“Luka me lojën e tij na tregon se është lehtë të luash. Më besoni nuk është aspak e lehtë që të luash futboll”, tha Kaka.
“Të luash në Kampionatin Botëror është edhe më e vështirë. Dhe ai luan sikur çdo gjë është normale. Është si një vallëzim për të”.
“Dhe tani ai është një lojtar i mrekullueshëm në nivelet më të larta. Katër Liga të Kampionëve, një finale të Botërorit dhe shiritin e kapitenit për kombëtaren e tij”.
“Më vjen shumë mirë pasi ai e meriton këtë sepse është një djalë shumë i mirë, kështu që urime për Modricin”
