Shpërthimi me tritol që tronditi sot qytetin e Shkodrës, ku mbetën 8 persona të plagosur ka ndodhur në një moment, kur gjithë vëmendja e policisë ishte e fokusuar te aktiviteti në kuadër të 105 vjetorit të themelimit të policisë.
Në momentin kur fjalën e kishte kryepolici i Shkodrës Gjovalin Loka, në sfond nga mjediset e jashtme të komisariatit të këtij qyteti, dëgjohet zhurma e një shpërthimi të fuqishëm.
Policia më pas zbardhi dinamikën e ngjarje në një ndërtesë dy kateshe në lagjen “Rus”.
Lënda plasëse ishte vendosur në një motoçikletë të parkuar në hyrje, e cila është ndarë më dysh, ndërsa demet materiale të shënuara në dyqanet përreth ishin të shumta.
