Duke kremtuar Ditën e Rinisë, 8 dhjetorin, ditën kur 27 vite më parë studentët u ngritën në protestë kundër diktaturës komuniste, ish-kryeministri Sali Berisha u shpreh sot se ‘kjo është një ditë frymëzimi’.
‘Është privilegj kremtimi i Ditës së Rinisë që është dita e revolucionit demokratik paqësor, më e rëndësishmja në historinë e lirisë.
Dita e revolucionit demokrati paqësor, më madhështor e më të rëndësishëm në historinë shqiptare, ajo që quhet Lëvizjes Studentore e Dhjetorit.
Historia është një e shkuar dhe natyrisht të merresh shumë me të edhe nuk duhet, por sa herë kujton këtë ditë, frymëzohesh, frymëzohesh dhe vetëm frymëzohesh.
8 dhjetori është ditë frymëzimi. Të rinjtë 27 vjet më parë u përballën me diktaturën më mizore dhe shndërruan qytetin Studenti në kështjellën e Lirisë.
Shqipëria e 90-ës ishte më keq se Koreja e Veriut sot. Ishin vrarë 96 të rinj pse donin të gjenin lirinë’, u shpreh gjatë fjalës së tij, ish-kryeministri Berisha.
