Alban Hoxha ishte lojtari më i përfolur i Partizanit në javën e shkuar. “Gardiani” i kuq kërkoi falje
publikisht për shkak se theu rregullat e vendosura nga klubi. Ai gjithashtu dorëzoi shiritin e kapitenit,
ndërkohë që sot do të jetë titullar në ndeshjen ndaj Kukësit.
Skuadra e Partizanit ka mbërritur në stadiumin “Selman Stërmasi” dhe lojtarët kanë dalë në fushë për
t’u njohur me terrenin. Në një foto të publikuar nga klubi i Partizanit, shihet se Alban Hoxha është mjaft
i lumtur. “Gardiani” duket se ka hedhur gjithçka pas krahëve dhe sot është i gatshëm për të dhënë më shumë.