Ish-ministri i Drejtësisë, Ylli Manjani, ka reaguar ndaj sondazhit të Gallup, sipas të cilit rreth 56 % e shqiptarëve janë shprehur për t’u larguar nga Shqipëria. Përmes një komenti në rrjetet sociale, Manjani shkruan se është alarmante, pasi po çojmë vendin në shpopullim.
“Alarmante! Po çojmë vendin në shpopullim!
Dërdëllisim kot në politikë. Shteti është në drejtim të paditur!
Gërr mërr pa kuptim! Politika po përzë njerëzit nga vendi i tyre! Nuk jemi në luftë me askënd! Kërkohet siguri, mirqenie e shpresë. Asnjëra nuk garantohet!
Turp e faqja e zezë, për të gjithë ata që drejtojnë! Ky është dështim!
Kjo politikë quhet ANTI-KOMBËTARE!”, shkruan Manjani.
