Tre persona janë arrestuar, pasi gjatë kontrollit të detajuar në autobusin e linjës Shkodër – Pistoja Itali, kishin fshehur 25 kg kanabis në bagazh në krahun e shoferit në një kuti metalike.
Në pranga kanë rënë drejtuesi Aleksandër Kronaj 29 vjeç, Zef Perndoj, 56 vjeç, shoferi i dytë dhe Agostin Arra, 60 vjeç, banues në Pistoja Itali. Automjeti ishte në pronësi të 60-vjeçarit Arra.
Nga veprimet hetimore të kryera, rezulton se shtetasit e mësipërm kishin si destinacion vendet e BE.
