Një 59-vjeçar me banim në Berat është nën hetim nga policia pasi akuzohet se ka ngacmuar seksualisht fqinjën e tij.
Sipas denoncimit të gruas, rreth mesditës së djeshme, 59-vjeçari E.K., ka ngacmuar seksualisht 43-vjeçaren M.H., teksa kjo e fundit ka qenë duke ecur në rrugë.
Gruaja, e cila është e martuar ka bërë rezistencë duke shpëtuar nga duart e fqinjit, i cili nuk e ka lënë me aq, por ka vijuar me sharjet ndaj saj.
Më tej, për të shmangur ndonjë përkeqësim situate mes familjarëve, për çka i ka ndodhur, gruaja u drejtua në polici për të bërë denoncim.
Në këto kushte ndaj 59-vjeçarit nisën hetimet, duke u proceduar penalisht nën akuzën e ngacmimit seksual.
Mbi të rëndon akuza për veprën penale të ngacmimit seksual. Nëse shpallet fajtor, ai rrezikon të dënohet deri në 5 vite burg.