“Kush ka menduar që shqiptarët nuk janë shumë të zgjuar e ka gabim, vetëm me nismën e re për të siguruar parkimin kanë treguar që zgjuarsia është shumë e lartë”
Makinat në Tiranë po shtohen dita ditës, por parkimet po zaptohen. Të gjitha ata që kanë një makinë e kanë makth momentin që për të gjetur një vend ku të lënë makinën e tyre për disa orë. Një zgjidhje janë parkimet private, të cilat janë shtuar kohët e fundit.
Çdo kush që ka një oborr e ka shëndrruar në parkim me pagesë. Por edhe kjo zgjidhje, nuk është një çlirim për drejtuesit e mjeteve, pasi shumë vende të parkimit publik zaptohen nga persona të pa identifikuar. Për të pasur gjithmonë një vend parkimi, për makinën e tyre alternativat janë të shumta.
Dikush vendos një karrige para portës, ose poshtë pallatit, por kjo zgjidhje nuk ka qenë shumë efikase pasi ditën tjerët karrigia është vjedh. Por një banor ka gjetur zgjidhjen e tij shumë efikase, pasi sendet që ai përdor mund të zëvendesohen lehtësisht.
Ai ka vendosur bidona të mbushur me ujë për të si një pengesë për makinat e tjera që duhet të parkojnë aty. Personi i cili e ka bërë këtë vepër arti duhet që të dekorohet dhe njëkohësisht të zbuloj formulën për këtë vepër, pasi të gjithë janë munduar për të pasur një vend parkimi të sigurt dhe nuk ja kanë arritur. Derisa shteti ta gjej këtë person, shumë qytetar të tjerë do të vuajnë ende për një vend parkimi.
