Policia e Brukselit ka arrestuar personin e armatosur që mbante peng 15 persona në një supermarket në periferi të qytetit.
Gjendja e pengjeve është e mirë dhe nuk kishin pësuar asnjë lëndim.
Personi i armatosur tentoi të grabiste supermarketin, por diçka shkoi keq dhe mori peng klientët.
Në vendin e ngjarjes mbërritën forca të shumta policie dhe helikopteri patrullonte nga ajri. Pas disa minutave pengmarrje, ai u dorëzua dhe po merret në pyetje nga autoritetet.
